Basavaraj Bommai: ಅಪ್ಪ ಜನತಾ ಪಕ್ಷದಿಂದ ಮಗ ಜನತಾ ಪಾರ್ಟಿಯಿಂದ ಮುಖ್ಯಮಂತ್ರಿ:
ಹೈಲೈಟ್ಸ್‌:
- ಅಪ್ಪ ಎಸ್‌.ಆರ್‌ ಬೊಮ್ಮಾಯಿ ಅಲಂಕರಿಸಿದ ಸ್ಥಾನಕ್ಕೆ ಆಯ್ಕೆಯಾದ ಬಸವರಾಜ ಬೊಮ್ಮಾಯಿ
- ಅಪ್ಪ-ಮಗ ರಾಜ್ಯದ ಚುಕ್ಕಾಣಿ ಹಿಡಿದಿದ್ದು ಇದು ಎರಡನೇ ಬಾರಿ
- ಈ ಹಿಂದೆ ಎಚ್.ಡಿ ದೇವೇಗೌಡ ಹಾಗೂ ಕುಮಾರಸ್ವಾಮಿ ರಾಜ್ಯದ ಸಿಎಂ ಆಗಿದ್ದರು
Basavaraj Bommayi elected as Karnataka CM
New CM of Karnataka 2021
ಬೆಂಗಳೂರು: ಯಡಿಯೂರಪ್ಪ ಅವರ ಉತ್ತರಾಧಿಕಾರಿ ಪಟ್ಟ ಪಕ್ಷದ ಹಿರಿಯ ನಾಯಕ ಬಸವಾಜ ಬೊಮ್ಮಾಯಿ ಅವರು ಪಾಲಾಗಿದೆ. ಆ ಮೂಲಕ ಮೂರುವರೆ ದಶಕಗಳ ಬಳಿಕ ತನ್ನ ತಂದೆ ಎಸ್‌.ಆರ್‌ ಬೊಮ್ಮಾಯಿ ಅವರು ಅಲಂಕರಿಸಿದ್ದ ಪೀಠವನ್ನು ಬಸವರಾಜ ಬೊಮ್ಮಾಯಿ ಅಲಂಕರಿಸಿದ್ದಾರೆ.
ಬಸವರಾಜ ಬೊಮ್ಮಾಯಿ ಅವರು ಮುಖ್ಯಮಂತ್ರಿಯಾಗುವ ಮೂಲಕ ರಾಜ್ಯದಲ್ಲಿ ಅಪ್ಪ-ಮಗ ಮಗ ಮುಖ್ಯಮಂತ್ರಿಯಾದ ಎರಡನೇ ನಿದರ್ಶನಕ್ಕೆ ರಾಜ್ಯ ಸಾಕ್ಷಿಯಾಗಿದೆ. ಈ ಹಿಂದೆ ಎಚ್.ಡಿ ದೇವೇಗೌಡ ಹಾಗೂ ಅವರ ಪುತ್ರ ಎಚ್.ಡಿ ಕುಮಾರಸ್ವಾಮಿ ಅವರು ರಾಜ್ಯದ ಮುಖ್ಯಮಂತ್ರಿಯಾಗಿದ್ದರು.
ರಾಜ್ಯದ ಹನ್ನೊಂದನೇ ಮುಖ್ಯಮಂತ್ರಿಯಾಗಿದ್ದ ಎಸ್‌. ಆರ್‌ ಬೊಮ್ಮಾಯಿ ಅವರು ಕೇವಲ ಒಂಭತ್ತು ತಿಂಗಳು ಮಾತ್ರ ಅಧಿಕಾರದಲ್ಲಿ ಇದ್ದರು. ಇದೀಗ ಅವರ ಪುತ್ರ ಬಸವರಾಜ ರಾಜ್ಯದ ಚುಕ್ಕಾಣಿ ಹಿಡಿದಿದ್ದು, ಚುನಾವಣೆಗೆ ಇನ್ನೂ ಕೇವಲ ಒಂದೂವರೆ ವರ್ಷ ಮಾತ್ರ ಬಾಕಿ ಉಳಿದಿರುವುದರಿಂದ ಅವರೂ ಕೂಡ ಐದು ವರ್ಷ ಪೂರೈಸಲು ಅಸಾಧ್ಯ. ದೇವೇಗೌಡ ಹಾಗೂ ಎಚ್.ಡಿ ಕುಮಾರಸ್ವಾಮಿ ಅವರೂ ಕೂಡ ಅವಧಿ ಪೂರ್ಣಗೊಳಿಸದೇ ನಿರ್ಗಮಿಸಿದ್ದರು.